Socialition : Samajikaran Mein Adhyaapak Maa - Baap Or Khel Ki Bhoomika

Adhyaapak bhi bachche ke vyaktigat va samajik vikaas mein mahattvapoorn bhoomika nibhaata hai. School shiksha ka ek aupachaarik saadhan hai tatha kramabaddh roop se bachche ke samajikaran ki prakriya ko tivr gati pradaan karata hai.

Vaastav mein school bachche ko vahaan se uthaata hai jahaan se usaka parivaar use chhodata hai. Adhyaapak shiksha ke dwara bachche mein vah saanskrtik mooly paida karata hai jo is samaaj va sanskrti mein maany hote hain. School mein khel prakriya dwara bachche sahayog, anushaasan, saamoohik kaary aadi seekhate hain. Is prakaar school bachche mein aadhaarabhoot samajik vyavahaar tatha vyavahaar ke siddhaanton ki neenv daalat.

Samajikaran Main Adhyapak Ki Bhoomika

Isake saath shikshak ke sneh, pakshapaat, achchhe aur bure vyavahaar aadi ka bachchon par prabhaav padata hai. Vah kaksha aur khel ke maidaan mein, saahityik tatha saanskrtik kriyaon mein balakon ke saamane samajik vyavahaar ke aadarsh prastut karata hai. Balak apane anukaran ki mool pravrtti ke kaaran shikshakon ke kaaryon, aadaton aur reetiyon ka anukaran karata hai.

Ath yah adhyaapak ka kartavy ban jaata hai ki vah bachchon ke saamane aadarsh prastut kare kyonki adhyaapak ke kathanon tatha kaaryon ki chhaap balak par lag jati hai.

Samajikaran ki prakriya ko tej karane ke lie shikshak nimn kadam -

Use samay - samay par abhibhaavakon se sampark sthaapit karana chahiye tatha mil - jul kar bachche ke vikaas ke sambandh mein sochana chahiye tatha kaary karana chahiye.
Bachche ko samajik sanskrti va samaaj mein prachalit maanyataon ka gyaan dena chahiye.
Balakon / Chhaatron ke saamane samajik aadarsh sthaapit karana chahiye.
Bachche ko samajik sanskrti va samaaj mein prachalit maanyataon ka gyaan dena chahiye.
Balakon / chhaatron ke saamane samajik aadarsh sthaapit karana chahiye.
Balakon / chhaatron ko school ki paramparaon se parichit karavaana chahiye.
Vibhinn samajik yojanaon tatha saamoohik kriyaon mein bhaag lene ke lie bachchon ko protsaahit karana chahiye.
School mein vibhinn parivaaron se bachche aate hain, unakee sanskrti bhi bhinn - bhinn hoti hai. at : adhyaapak ko bachchon mein antah saanskrtik bhaavana ka vikaas karana chahiye.
Adhyaapak ko sahayogiyon, chhaatron tatha pradhaanaachaary ke saath maanaveey sambandh sthaapit karane chahiye.
Balakon ke saath sneh tatha sahaanubhooti ka bartaav karana chahiye.

Is prakaar adhyaapak bachche ke vyaktigat va samajik sambandhon ke vikaas mein mahattvapoorn bhoomika ada karata hai.

Bachche Ke Samajikaran Mein Maa - Baap Ki Bhoomika

Samajikaran karane vaalee sanstha ke roop mein parivaar or Maa - Baap ka mahattv vaastav mein asaadhaaran hai. Yah kaha jaata hai ki maan ke tyaag aur pita ki suraksha mein rahate hue bachcha jo kuchh seekhata hai, vah usake jeevan ki sthaayee poonji hoti hai.

Parivaar ya ghar ko sabhi samajik gunon ka udgam sthal maana gaya hai. yah pratham samajik ikaee hoti hai. Yah parivaar hee hota hai jahaan se bachcha samajik jeevan ki shuruaat karata hai.

Samajikaran Main Maa-Baap Ki Bhoomika

Bachcha sabase pahale parivaar mein janm lekar parivaar ka sadasy banata hai. Usaka sabase ghanishth sambandh apanee maan se hota hai. Maa use doodh pilaati hai aur tarah - tarah se usakee raksha karati hai. Bachche ko niyamit roop se khaane - peene kee, pahanane ki tatha rahane ki seekh milati hai. Isase bachche ke man mein ek suraksha ki bhaavana panapati hai jo usake jeevan ko sthir tatha drdh banaati hai aur aage chalakar use usake vyaktitv ke vikaas mein sahaayata deti hai.
Maa aur Baap se bachche ki adhikatar aavashyakataen pooree hoti hain. Saath hee bachcha yah dekhata hai ki kuchh kaaryon ko karane par maan ya pita use pyaar karate hain, usakee prashansa karate hain aur kuchh kaaryon ke karane se use dand milata hai, usakee ninda hoti hai.
Parivaar mein hee bachche ko sarvapratham yah gyaan hota hai ki use kaun - kaun se kaam karane chahiye aur kin - kin kaaryon se bachana chahiye. isase bachcha dheere - dheere yah seekh jaata hai ki samaaj mein kya achchha hai aur kya bura aur samaaj usase kya chaahata hai. Dheere - dheere vah un bhaavanaon, maanyataon, paramparaon aur niyamon ko bhi jaan leta hai jo samaaj mein prachalit hote hain tatha samaaj ko maany hote hain.
Maa apane bachche ko pyaar karati hai, parivaar ke any log bhi use pyaar karate hain. ve usake saath hansate - bolate hain. Bachcha unakee taraph dekhata hai, unake hothon ko hilaakar baaten karane ki prakriya ko baar - baar dekhata hai aur phir usee ki nakal utaarane ka prayaas karata hai. Isee ke parinaamasvaroop bhaasha ka vikaas hota hai.
Bachcha parivaar mein gudde - gudiya ka khel khelata hai. gudiya ke saath vah usee prakaar ka vyavahaar karata hai jaise maan ya baap usake saath karate hain. Vah unheen ki tarah use sulaata, khilaata - pilaata yahaan tak ki maarata - peetata tak hai.
In sab kriyaon ke maadhyam se bachche ko doosaron ke saath vyavahaar karane tatha ek vishisht pad ( status ) ke anusaar kaam karane ki kala ka gyaan hota hai. Yah ek mahattvapoorn samajik gun hai jo samajikaran ki prakriya mein bachche ko apane parivaar se praapt hota hai.

Samajikaran Mein Khel(Games) Ki Bhoomika

Jis prakaar kavi apane aapako kavita likhane se tatha gaayak gaane se nahin rok sakata, usee prakaar balak apane aapako khelane se nahin rok sakata.

Khel ko bachche ki rachanaatmak, janmajaat, svatantr, aatmaprerit, sphoortidaayak, svalakshit tatha aanandadaayak pravrtti kaha jaata hai. Khel kriyaon dwara balak ko aatmaabhivyakti ka avasar milata hai iseelie khel ka bachche ke samajikaran mein vishesh sthaan hai.

Adhikaansh khelon mein mukhyatah saathiyon ki aavashyakata hoti hai, iseelie unaka svabhaav mukhyatah samajik hota hai. Isiliye khel kriyaon dwara bachche mein samajik drshtikon ka vikaas hota hai.

Samajikaran Main Khel Ki Bhoomika

Any bachchon ke saath khelane se bachche aparichit logon se samajik sambandh sthaapit karana tatha un sambandhon se sambandhit samasyaon ka samaadhaan karana seekhate hain. samooh dwara apanae jaane ya usamen lokapriy hone par bachche mein suraksha ki bhaavana aati hai jo samajikaran ke lie bahut aavashyak hai.

Saamoohik khelon se aadaan - pradaan ki bhaavana ka vikaas hota hai. Kai khel kriyaon mein bachche apane khilaunon ko doosaron ke saath mil - baant kar khelate hain tatha apane saathiyon ko bhi dhyaan mein rakhate hue apanee ichchhaon ko taalana ya un par niyantran paana seekh lete hain.
Jo bachche doosare bachchon ke khilaune chheenakar svayan khelate hain, unhen sheeghr hee yah pata chal jaata hai ki unake is prakaar ke vyavahaar se doosare bachche unake saath khelana pasand nahin karate. Isase apane svaarth ko tyaagakar sabake saath mil - jul kar rahane ki bhaavana ka vikaas hota hai.
Isake atirikt bachche jab samooh mein khelate hain to ve ek - doosare ke saath mil - jul kar khelate hain. Isase unamen ekata va sahayog ki bhaavana panapati hai. yahi mil - jul kar khelane ki bhaavana aage chalakar mil - jul kar rahane ki bhaavana mein badal jati hai.
Yah dekha gaya hai ki jin bachchon ko khel ke avasar nahin milate ya bahut kam milate hain, unhen doosare bachchon ke saath samaayojan sthaapit karane mein bahut kathinaee hoti hai. Aise bachche akasar svakendrit ho jaate hain tatha sanvedana va doosaron par sandeh karane vaale bhi hote hain.
Samajikaran ki prakriya ko tivr gati pradaan karane ke lie shikshak ka sarvapratham kaary yah hai ki vah balak ke maata - pita se sampark sthaapit karake usakee ruchiyon tatha manovrttiyon ke vishay mein gyaan praapt kare evan unheen ke anusaar use vikasit hone ke avasar pradaan kare.
Shikshak ko chahiye ki vah school mein vibhinn samajik yojanaon ke dvaar balakon ko saamoohik kriyaon mein sakriy roop se bhaag lene ke avasar pradaan kare. In kriyaon mein bhaag lene se usaka samajikaran svat : ho jayega. balak ke samajikaran mein svasth manaveey sambandhon ka gahara prabhaav padata hai.

Thanks For Visit...

Author B.Rathour

यह एक एडुकेशनल ब्लॉग है। जिसमें हम आपको प्रतियोगी परीक्षाओं से सम्बंधित विभिन्न प्रकार की जानकारी तथा नोट्स PDF प्रदान करते हैं। साथ प्राथमिक शिक्षा (Elementry Education) अर्थात छोटे बच्चों को किस तरीके से पढ़ाया जाए और किस प्रकार उसका सर्वांगीण विकास होता है यह जानकारी प्रदान करते है।धन्यवाद।