SAMAJIKARAN: Samajik Jagat Evm Bachche
[Shikshak, Abhibhavak Or Sathi]
Yah aisi prakriya hai jo navajat shishu ko samajik prani banati hai. Is prakriya ke abhav me vyakti samajik prani nahin ban sakata. Isi se samajik vyaktitv ka vikas hota hai. Samajik - sanskrtik virasat ke tattvon ka parichay bhi isi se prapt hota hai.
Samajikaran se na keval manav jivam ka prabhav akhand tatha satat rahata hai, balki isi se manavochit gunon ka vikas bhi hota hai aur vyakti susabhy va susanskrat bhi banata hai. Sanskrti ka hastantaran bhi samajikaran ki prakriya dwara hi hota hai. samajikaran ki prakriya ke bina vyakti samajik gunon ko prapt nahin kar sakata. At : yah ek mahattvapoorn prakriya mani jati hai.
Samajikaran ka kary samaj mein rahakar hi sambhav hai, samaj se alag rahakar nahin. Yah vyakti ko samajik Paramparaon, Prathaon, Roodhiyon, Moolyon, adarshon adi ka palan karana aur viparit samajik paristhitiyon mein anukoolan karana sikhata hai. samajikaran dwara sanskrti, sabhyata aur any anaginat visheshatayen pidhi - dar - pidhi hastantarit hoti hain aur jivit rahati hain.
SAMAJIKARNAN : Samajik Jagat Evm Bachche [Shikshak, Abhibhavak Or Sathi]
Samaj Aur Balak
Palan - poshan ka tarika, sahanubhooti ka star evm prakar, sahakarita, nirdesh, atmikaran, puraskar evm dand anukaran, samajik shikshan, ityadi balak ke samajikaran ki prakriya ke mahattvapoorn karak hain.
Balak ke samajikaran par palan - poshan ka gahara prabhav padata hai. jis prakar ka vatavaran balak ko prarambhik jivm mein milata hai tatha jis prakar se mata - pita balak ka palan - poshan karate hain usi ke anusar balak mein bhavanayen tatha anubhootiyan vikasit ho jati hain. Isaka arth yah hai ki jis balak ki dekh - rekh uchit dhang se nahin hoti usamen samaj virodhi acharan vikasit ho jate hain.
Dusare shabdon mein, balak samaj virodhi acharan usi samay karata hai jab vah svayan ka samaj ke sath vyavasthapan nahin kar pata. Is drshti se uchit samajikaran ke lie yah avashyak hai ki balak ka palan - poshan thik prakar se kiya jaye.
Sahanubhooti
Palan - poshan ki bhanti sahanubhooti ka bhi balak ke samajikaran tt mein gahara prabhav padata hai. Dhyan dene ki bat yah hai ki shaishavavastha mein balak apani sabhi avashyakataon ki poorti ke lie parivar ke any sadasyon par nirbhar rahata hai.
Dusare shabdon mein, any vyaktiyon dwara balak ki avashyakatayen poori ki jati hain. Yahan is bat ko dhyan mein rakhana avashyak hai ki balak ki sabhi avashyakataon ko poora karana hi sab kuchh nahin hai varan usake sath sahanubhooti rakhana bhi avashyak hota hai. Isaka karan yah hai ki sahanubhooti ke dwara balak mein apanatv ki bhavana vikasit hoti hai, jisake parinamasvaroop vah ek - doosare mein bhedabhav karana sikh jata hai. Vah us vyakti ko adhik pyar karane lagata hai, jisaka vyavahar usake prati sahanubhootipoorn hota hai.
Sahakarita
Vyakti ko samaj hi samajik banata hai. Doosare shabdon mein, samaj ki sahakarita balak ko samajik banane mein mahattvapoorn sthan rakhati hai. Jaise - jaise balak apane sath any vyaktiyon ka sahayog pata jata hai, vaise - vaise vah doosare logon ke sath apana sahayog bhi pradan karana arambh kar deta hai. Isase usaki samajik pravrttiyan sangathit ho jati hain.
Nirdesh
Samajik nirdeshon ka balak ke samajikaran mein gahara hath hota hai. dhyan dene ki bat yah hai ki balak jis kary ko karata hai, usake sambandh mein vah doosare vyaktiyon se nirdesh prapt karata hai. doosare shabdon mein, vah usi kary ko karata hai, jisako karane ke lie use nirdesh diya jata hai. Is prakar ham dekhate hain ki nirdesh samajik vyavahar ki disha ko nirdharit karata hai.
Atmikaran
Mata - pita, parivar tatha pados ki sahanubhooti dwara balak atmikaran ki bhavana ka vikas hota hai. jo log balak ke sath sahanubhootipoorn vyavahar karate hain, unhin ko balak apana samajhane lagata mein hai sv lagata hai. Tatha unhin ke rahan - sahan, bhasha tatha adarshon ke anusar vyavahar karane hai.
Anukaran
Samajikaran ka adharabhoot tattv anukaran hai. Dhyan dene ki bat yah hai ki balak mein anukaran ka vikas parivar tatha pados mein rahate hue hota hai. Doosare shabdon mein, balak parivar tatha pados ke logon ko jis prakar ka vyavahar karate hue dekhata hai, vah usi ka anukaran karane lagata hai.
Samajik Shikshan
Anukaran ke atirikt samajik shikshan ka bhi balak ke samajikaran par gahara prabhav padata hai. Dhyan dene ki bat yah hai ki samajik shikshan ka arambh parivar se hota hai jahan par balak mata - pita, bhai - bahan tatha any sadasyon se khan - pan tatha rahan - sahan adi ke bare mein shiksha grahan karata rahata hai.
Puraskar Evm Dand
Balak ke samajikaran mein puraskar evm dand ka bhi gahara prabhav padata hai. Jab balak samaj ke adarshon tatha manyataon ke anusar vyavahar karata hai to log usaki prashansa karate hain. Sath hi vah samaj ke hit ko drshti mein rakhate hue jab koi vishisht vyavahar karata hai, to use puraskar bhi milata hai.
Isake viparit jab balak asamajik vyavahar karata hai, to dand diya jata hai jisake bhay se vah aisa kary phir dobara nahin karata. spasht hai puraskar evm dand ka balak ke samajikaran par mahattvapoorn prabhav padata hai.
Balakon Ka Samajikaran Karane Wale Any Kahattvapoorn Tathy
Balak janm ke samay kora pashu hota hai. jaise - jaise vah samaj ke any vyaktiyon tatha samajik sansthaon ke sampark mein akar vibhinn prakar ki samajik kriyaon mein bhag leta rahata hai vaise - vaise vah apani pashvik pravrttiyon par niyantran karate hue samajik adarshon tatha moolyon ko sikhata rahata hai. Is prakar balak ke samajikaran ki yah prakriya nirantar chalati rahati hai. Balak ke samajikaran mein usaka parivar, pados, School, usake sathi, usaka samuday, dharm, ityadi ka mahattvapoorn yogadan hota hai.
Parivar
Abhibhavak balak ke samajikaran ke vibhinn tattvon mein parivar ka pramukh sthan hai. Isaka karan yah hai ki pratyek balak ka janm kisi na kisi parivar mein hi hota hai. Jaise - jaise balak bada hota jata hai vaise - vaise vah apane mata - pita, bhai - bahanon tatha parivar ke any sadasyon ke sampark mein ate hue prem, sahanubhooti, sahanashilata tatha sahayog adi anek samajik gunon ko sikhata rahata hai. Yahi nahin, vah apane parivar mein rahate hue pratyaksh athava apratyaksh roop se apane parivar ke adarsho, moolyon, riti - rivajon, paramparaon tatha manyataon evm vishvason ko bhi shanaih - shanaih sikh jata hai.
Pados
Pados bhi ek prakar ka bada parivar hota hai. Jis prakar balak parivar ke vibhinn sadasyon ke sath ant : kriya dwara apani sanskrti evm samajik gunon ka gyan prapt karata hai, thik usi prakar vah pados mein rahane vale vibhinn sadasyon evm balakon ke sampark mein rahate hue vibhinn samajik baton ka gyan prapt karata rahata hai. Is drshti se yadi pados achchha hai to usaka balak ke vyaktitv ke vikas par achchha prabhav padega aur yadi pados kharab hai to balak ke bigadane ki sambhavana hai. Yahi karan hai ki achchhe parivaron ke log achchhe pados mein hi rahana pasand karate hain.
School - Shikshak
Parivar tatha pados ke bad school ek aisa sthan hai jahan par balak ka samajikaran hota hai. School mein vibhinn parivaron ke balak shiksha prapt karane ate hain. Balak in vibhinn parivaron ke balak tatha shikshakon ke bich rahate hue samajik pratikriya karata hai jisase usaka samajikaran tivragati se hone lagata hai. School mein rahate hue balak ko jahan ek or vibhinn vishayon ki pratyaksh shiksha dwara samajik niyamon, riti - rivajon, paramparaon, manyataon, vishvason tatha adarshon evm moolyon ka gyan hota hai vahan doosari or usamen school ki vibhinn samajik yojanaon mein sakriy roop se bhag lete hue apratyaksh roop se vibhinn samajik gunon ka vikas hota rahata hai. Is drshti se parivar tatha pados ki bhanti School bhi balak ke samajikaran ka mukhy sadhan hai.
Balak Ke Sathi
Pratyek balak apane sathiyon ke sath khelata hai. Vah khelate samay jati - panti, oonch - nich tatha any prakar ke bhedabhavon se oopar uthakar doosare balakon ke sath ant : kriya dwara anand lena chahata hai. Is kary mein usake sathi mahattvapoorn bhoomika nibhate hain.
Samuday
Balak ke samajikaran mein samuday athava samaj ka gahara prabhav hota hai. Pratyek samaj athava samuday apane - apane vibhinn sadhanon tatha vidhiyon ke dwara balak ka samajikaran karana apana param karttavy samajhata hai. In sadhanon ke antargat jatiy tatha rashtriy prathayen evm paramparayen, manoranjan evm rajanitik vicharadharayen, dharmik kattarata, sanskrti, kala, sahity, itihas, jatiy poorvadharanayen, ityadi ati hain.
Dharm
Dharm ka balak ke samajikaran mein mahattvapoorn yogadan hai. ham dekhate hain ki pratyek dharm ke kuchh sanskar, paramparayen, adarsh tatha mooly hote hain. Jaise - jaise balak apane dharm athava any dharmon ke vyaktitv evm samoohon ke sampark mein ata jata hai, vaise - vaise vah ukt sabhi baton ko svabhavik roop se sikhata hai.
Thanks For Visit…
यह एक एडुकेशनल ब्लॉग है। जिसमें हम आपको प्रतियोगी परीक्षाओं से सम्बंधित विभिन्न प्रकार की जानकारी तथा नोट्स PDF प्रदान करते हैं। साथ प्राथमिक शिक्षा (Elementry Education) अर्थात छोटे बच्चों को किस तरीके से पढ़ाया जाए और किस प्रकार उसका सर्वांगीण विकास होता है यह जानकारी प्रदान करते है।धन्यवाद।
ConversionConversion EmoticonEmoticon